స్నేహితుడు అంటే ఓ భరోసా!

 *స్నే "హితులు" లేని శూన్యత.!*

*స్నేహితుడు అంటే ఓ భరోసా!*

ఒక్కసారి గట్టిగా ఊపిరి పీల్చి… మన మంచి స్నేహితులను గుర్తు చేసుకుందాం...

*ఒక్కొక్కరు వెళ్లినప్పుడు ఒక్కొక్క గాయం.*

ఆ గాయాలన్నీ కలిసి అప్పుడప్పుడు 

*ఒక పెద్ద శూన్యతగా మారడం* అనేది 70 లేదా 75 సం వయసులో సహజం!

పిల్లలు బాగున్నారు… 

కానీ, వారి వ్యాపకాల్లో వారుంటారు. 

*గౌరవానికి కొదువ లేదు.*

కానీ, *ఓ స్నేహితుడితో ఉండే ప్రైవసీ,* ఆ సరదా క్షణాలు కూడా కావాలి కదా!

నిద్ర పట్టడం లేదు, 

బోర్ కొడుతున్నది. 

*ఎవరితో మాట్లాడాలి?*

నా స్నేహితులెక్కడ?

*వాళ్ళు పోయారే.*

ఇక అంతేనా...?

ఉదయం లేచి 

కాఫీ తాగేటప్పుడు 

“ఏరా, బాగున్నావా?” 

*అని అడిగే స్నేహితుడెక్కడ?*

ఓ ప్రాపర్టీ అమ్మాలనుకున్నా,

కొనాలనుకున్నా...   

*నమ్మకమైన సలహా ఎవరు ఇస్తారు.?!*

ఒక స్నేహితుడు,  

ఓ సందర్భంలో అన్నాడు_,

“నా భార్య పోయిన తర్వాత మొదటిసారిగ నీ ముందే ఏడ్చాను. నువ్వు నన్ను ఓదార్చలేక… *నువ్వూ నాతో పాటు ఏడ్చావు... అని!*

ఆ రోజే నాకు తెలిసింది –

 *స్నేహం అంటే ఒంటరితనాన్ని జయించడమని.!*

మరొక స్నేహితుడు ఇలా అన్నాడు.!_ నా సమస్యను చెప్పకుండా దాచాను. కానీ, నువ్వు రావటం చూసి… నీతో చెప్పుకుంటే… భయం కాస్త తగ్గుతుందనిపించింది.

చావంటే భయం కాదు… 

*ఒంటరిగా చావడం* అంటే

 *భయంగా ఉంది_* అన్నాడు!

     ఓ మంచి డాక్టర్ అవసరం పడ్డప్పుడు, అత్యంత *నమ్మకంగా ఎవరు చెబుతారు?*

 డాక్టర్ దగ్గరకు వెళ్తున్నానంటే... 

*“నేను కూడా వస్తా”* 

అనే మిత్రుడుండాలి.

     *ఒంటరితనం అనిపిస్తే!*

 “రా… మా ఇంటికి రా… ఇద్దరం కూర్చుని మాట్లాడదాం” 

లేకపోతే... *రమ్మంటావా"_*

అనే మిత్రుడుండాలి.

*ఏరా! ఎలా ఉన్నావు.*?

*ఎందుకో గుర్తు వచ్చావు_* నీతో మాట్లాడాలనిపిస్తోంది.

--అనే మిత్రుడుండాలి.

ఒక స్నేహితుడు రాత్రి 11:30కి మెసేజ్ చేస్తాడు, “నిద్ర పట్టడం లేదు రా… ఒంటరిగా అనిపిస్తోంది.” “నేనూ అలాగే ఉన్నా. కలుసుకుందామా? కలుసుకుని మనసుతీరా, ఓ రెండు గంటలు మాటలు...*నేనున్నారా. భయపడకు”_* ఆ భరోసాలో ఎంత థైర్యం? *ఆ మాట అనగలిగేవాడు ఒక్కడైనా ఉంటే చాలు.*

*అలాంటి బంధమే*

మన వృద్ధాప్యంలో అతి పెద్ద ఆసరా అవుతుంది. *ఇటువంటి అనుభూతులే.* మన చివరి రోజుల్లో మనకు అతి పెద్ద ఆసరా అవుతాయి!

స్నేహితులను కలుసుకుంటూనే ఉంటాం... కానీ, తొక్కలో *ఇగో'*

మాటల్లో *ఎక్కడో తేడా కొట్టుద్ది.*

*క్షణాల్లో సంవత్సరాల పరిచయానికి తెర పడుతుంది.*

కొందరితో ఎలాగూ కలవదు మనకు. దానివల్ల పెద్ద నష్టం ఏమీ ఉండదు.

కాని, చిన్ని-చిన్ని కారణాలతో మంచి స్నేహితులను వదులుకుంటే  

*చివరికి ఎవరూ మిగలరు.*

ఒక్క ముక్క మాటాడితే *కొండంత ధైర్యం* ఇచ్చేవాడు నిజమైన స్నేహితుడు.! అలాటి స్నేహితుడు 

*ఒక్కడున్నా చాలు.!*

 "నీకు అతనే కొండంత భరోసా.!" *అలాంటి వారి కోసం వెతకండి, వెతుకుతూనే ఉండండి.....* 🙏🏼🙏🏼